புதன், 12 ஜூன், 2013

உணவு பாதுகாப்பு அதிகாரிகள் எச்சரிக்கை


நெல்லிக்குப்பம்:நெல்லிக்குப்பத்தில் தடை செய்யப்பட்ட பான்பராக், குட்காவை உணவு பாதுகாப்புத் துறை அதிகாரிகள் பறிமுதல் செய்தனர்.தமிழக அரசு பான்பராக், குட்கா போன்ற போதை தரும் பொருட்களால் உடல் நலத்துக்கு தீங்கு ஏற்படுவதால் அவற்றின் விற்பனையை தடை செய்து உத்தரவிட்டது. ஆனால், அதன் பிறகு கள்ளச்சந்தையில் இப்பொருட்களின் விற்பனை அதிகளவு நடக்கிறது.கடலூர் மாவட்ட உணவு பாதுகாப்புத்துறை அதிகாரிகள் நேற்று நெல்லிக்குப்பம் கடைகளில் திடீர் சோதனையில் ஈடுபட்டனர். அப்போது கடைகளில் விற்பனைக்கு வைத்திருந்த தடை செய்யப்பட்ட பல ஆயிரம் மதிப்புள்ள பான்பராக், குட்காவை பறிமுதல் செய்தனர். முதல் முறை என்பதால் எச்சரிக்கை செய்கிறோம். இனி தடை செய்யப்பட்ட பொருட்களை விற்பனை செய்தால் கடுமையான நடவடிக்கை எடுக்கப்படுமென எச்சரித்தனர்.அதேபோல், ரஸ்னா, மோர் பாக்கெட்டுகளில் தயாரித்த நிறுவனம், தயாரித்த தேதியை கண்டிப்பாக குறிக்க வேண்டும் என தெரிவித்தனர்.

கருத்துகள் இல்லை:

கருத்துரையிடுக